13.dag jul!!

Ja, det er idag..Dei fleste på Varhaug har tatt ut jula for lenge sidan. Det er litt for fort for ein sunnmøring. Nei, veit ikkje om det er kulturforskjellane, men vi hadde av og til juletreet oppe til 20.januar... Her skal alt ut helst 2.nyttårsdag..:) Men eg har ikkje rydda ut enno. Kanskje ventar eg på 20.dagsKnut. Imorgon er det jo etiopisk jul, så vi kan no iallefall vente på det. Eller kanskje eg berre er litt lat og halvsjuk og ikkje gidd idag.. Men koselig med jul er det iallefall.Og den tida går så altfor fort.. Vi held litt lenger på julefølelsen. Her illustrert ved julekrybba frå Peru som står til pynt på peishylla..
Melkam Genna..(God jul på amharisk).

Snart jul!!

Det er snart jul igjen. Til minne om då Gud blei menneske for å redde oss. Kvar blir bodskapen av i søndagsåpne butikkar og gavehysteri trass finanskrise? Mitt ynskje er at eg kan få tid til litt ettertanke no dei siste dagane før jul - og i julehelga - til å tenkje over det fantastiske i at Kongenes Konge kom til jord og blei min bror. Fantastisk.
Ha ei velsigna julehøgtid alle saman!!

Long time, no see

Ja, eg reknar med de er nyfikne no... Heile 8 mnd etter sist innlegg. Dette må berre bli bra:) Ja, eg har vel funne ut at eg har ikkje så mykje interessant å skrive om i ein blogg. Ikkje er eg på misjonsmarka og ikkje driv eg med så mykje spanande. Kven er det som gidd å lese om mitt husmorliv liksom? Ja, for eg er jo litt det igjen no då. Antallet i familien har gått opp med eit hokjønn sidan sist eg skreiv. Vakre Noomi Salome! Namnet tyder vakker, mild og velkommen, fred og passar veldig godt på henne. Litt av ei gåve vi har fått i heimen. Og plutselig var det fullt i vår familie. Alltid nokon som må ha oppmerksomhet på eine eller andre måten. Men det er fint. Vi har det godt - tenk så heldige vi er!! Filip Natanael og Benjamin Johannes er stolte og berre bittelitt sjalu storebrødre.
Filip Natanael klarer seg forresten godt med både gåing og anna utvikling. Det er vi glade for. Han er to og eit halvt no og bablar i veg om alt mogleg. Benjamin Johannes er klok og ertete storebror - men veldig flink å hjelpe når det trengs..

Opp og gå...!!

Ja, er det ikkje slik at det er det vi har i hovudet når ungane er i rette alderene - få dei opp på føtene?? Og så brukar vi resten av barndomstida deira til å få dei til å sitje i ro? Hm. :)
Med Filip Natanael har vi vel venta ekstra lenge. Eit år faktisk. Storebroren var 10 mnd då han gjekk og så er det jo slik at det er lett å samanlikne. No har det altså skjedd - 22 mnd gammal har han endelig slept seg. Litt ustø enno sjølvsagt, men går gjerne 10-12 skritt åleine før han tek ein pause.. Så kry!! Og det er vi òg sjølvsagt!

Ja, det va no på tide....

kjem pappa til å skrive som kommentar her...jada, no skal ej blogge litt igjen..
Ganske lenge sidan sist:) Må vel legge ut litt bilder av søte små. Filip Natanael har fått diagnose og skinner sidan sist, det går ganske greit. Vi er berre spente på når han har tenkt å sleppe seg. Har heldigvis ein lett CPdiagnose. Berre i èin fot. Men eindel oppfølging og trening er det jo. Tante Astrid bur hjå oss for tida, så vi har egen "guvertante". Veldig kjekt og praktisk spes. når mannen i huset har blitt så frisk etter englandsopphold at han har vanlig revisor -jobb. Jojo.. Sånn er det.
Akkurat idag er eg sjuk. Bihuler-kvifor har ein det egentlig?? Vanvittig låkt!!
jaja, nok klaging. Ha ein god mandag alle saman!

LILLEBØ PÅ Sylte:)

Mi fagre heimbygd og barndoms fjord.... Det er godt å vere her. Gå tur på gamleveien, sjå utover fjorden heilt til Stadt. Lære ungane å bli glad i kattar og sauer...( Filip Natanael er heilt betatt av sauene nedom vegen...bæ...)Slappe av og bli oppvarta. Herlig med ferie. Og flott med gode foreldre og besteforeldre som vi kan besøke.. Bileter av vakre Lillebø og utsikten kjem her. Nyt!! Her er utsikt frå huset og til huset, bilete av gamlehuset, vinterstemning ved barndomsheimen og tre i blomstring. Ja, er ikkje det flott vel? Min kjære pappa har teke bileta:) Anne Birgitte

Jippi, ferie!!

Jada, vi lærarar har det godt. Ferie både sommar, haust og vinter. Og jul:)
Og no er det haustferien. Kjem ofte litt tidleg, men samtidig er den vanvittig god. Ein er så innstilt på å få litt pause frå rettingar, planar og utfordrande elevar at ein kunne ikkje klart ein dag til. Slik er eg.
Og no har eg FERIE. Eg skal heim. Heim til Sylte. Til mamma og pappa. Og gutane mine blir med. Der skal vi KOSE oss i ei heil veke. Og eg gler meg vanvittig:)
Ha ei god veke du òg...